Wednesday, 23 August, 2017

మీరు చికెన్ తింటున్నారా.. అయితే ఇది చ‌ద‌వండి

చికెన్ అంటే లొట్ట‌లేసుకొని తినే వారికి ఓ బ్యాడ్ నూస్‌. మనం తినే మూడొంతుల చికెన్ లో రెండొంతులు చికెన్ ఇ కోలీ బాక్టీరియా సోకినదేనని తాజా పరిశోథనలు తేల్చాయి. షాపుల నుంచి తెచ్చిన చికెన్ లో ఉండే ఇకోలీ బాక్టీరియా వల్ల స్టమక్ అప్సెట్ అవడం, డయేరియా, వాంతులు లాంటి ఉదర సంబంధవ్యాధులు సోకే ప్రమాదముందట. ఒక్కోసారి ఈ సూపర్ బగ్  వల్ల ప్రాణాలు కూడా పోయే ప్రమాదముందట.   ఇకోలి బగ్ పై ఇంగ్లాండ్ మార్కెట్ లో జరిపిన సర్వేలో ఏటా ఐదువేలకు పైగా మరణాలు సంభవిస్తున్నట్టు గుర్తించారు. ఇంగ్లండ్ లో అమ్మే మూడొంతుల చికెన్ లో రెండొంతులు ఇకోలీ సూపర్ బగ్ సోకినదే అంటున్నారు ఎక్స్ పర్ట్ లు. సూపర్ మార్కెట్లలో అమ్మే చికెన్ లో అధిక శాతం ఇకోలి బగ్ సోకిందేనని చెబుతున్నారు
 యూనివర్సిటి ఆఫ్ కేంబ్రిడ్జ్ సైంటిస్టులు పేరున్న మార్కెట్ల నుంచి తెచ్చిన చికెన్ పై జరిపిన పరిశోథనల్లో అధిక మొత్తంలో  కలుషితమని తేలింది. ఈ పరిశోధనొక్కటే కాదు.. డిపార్ట్ మెంట్ ఫర్ ఎన్విరాన్ మెంట్, ఫుడ్ అండ్ రూరల్ అఫైర్స్, డిపార్ట్ మెంట్ ఆఫ్ పబ్లిక్ హెల్త్ , ఇంగ్లాండ్ తదితర ప్రభుత్వ శాఖలు కూడా ఇంగ్లండ్ లో  దొరికే చికెన్లో అధిక శాతం చికెన్ ఇకోలి బగ్ కలిగిందేనని తేల్చారు. ముందు ముందు అతిగా ఇకోలి బాక్టీరియా సోకిన చికెన్ తింటే.. భారీ మూల్యం చెల్లించాల్సిందేనంటున్నాయి పరిశోథనలు. అదే విధంగా అతిగా యాంటీ బయాటిక్స్ వాడకుండా ప్రభుత్వాలు తగిన చర్యలు తీసుకోవాలని సైంటిస్టులు చెబుతున్నారు.  
ఇక‌పోతే  కోళ్లలోనే ఇకోలీ బగ్ ఎందుకు వృధ్ది చెందుతుందంటే.. పౌల్ట్రీ రంగంలోనే అతిగా యాంటీ బయాటిక్స్  వాడుతున్నారనీ, అందుకే పౌల్ట్రీ చికెన్ లోనే ఇకోలీ బక్టీరియా అధికంగా చేరుతుంది. దీనినుంచి బయటపడాలంటే… చికెన్ స్టోర్స్ కు చేరుకునే ముందే  దానిలో బాక్టిరియా లేకుండా శుభ్రం చేసుకోవాలి. ఇలా చేస్తే సూపర్ బగ్ లేని నిఖార్సయిన చికెన్ తినే అవకాశం కలుగుతుందని సలహా ఇస్తున్నారు సైంటిస్టులు..  

You might also like

Leave a Reply