Tuesday, 19 September, 2017

వంగ‌వీటి రాధాకు వర్మ వార్నింగ్

వివాదాల‌కు కేరాఫ్ అడ్ర‌స్ అయినా డైరెక్ట‌ర్ రామ్‌గోపాల్ వ‌ర్మ వంగ‌వీటి రాధాతో బస్తీమే సవాల్‌ అంటున్నాడు. రంగా క్యారెక్టర్‌ను వక్రీకరించానన్న రాధా కామెంట్లకు వ‌ర్మ జ‌వాబిచ్చాడు. రంగాను మహాత్మా గాంధీ అని చూపించాలా? మర్డర్ల మాట అటుంచి మొట్టికాయ కూడా కొట్టలేదని చూపించాలా? మదర్‌థెరిస్సాకన్నా సాత్వికుడని చూపించాలా? చీమకైనా హాని చెయ్యని గౌతమబుద్ధుడని చూపించాలా? అని వర్మ ప్రశ్నల వర్షం కురిపించాడు. అంతేకాదు, వాస్తవాలే చూపించాలన్న రాధా డిమాండ్లకు నా సమాధానమంటూ ఇంకో అటాక్ మొదలుపెట్టాడు. రంగా, ఆయన భార్య గురించి అభిమానులు వినడానికి.. చూడడానికి ఇష్టపడని డాక్యుమెంట్‌ వాస్తవాలు చాలా చూపగలను.. రంగాపై ఉన్న గౌరవంతో అవి చూపించలేదని పేర్కొన్నారు.

ఒక‌వేళ రాధా ఆ వాస్త‌వాలు ఏంటని డిమాండ్‌ చేస్తే.. వాటన్నింటినీ కుండబద్దలుగొట్టినట్టు చెబుతానన్నాడు రాంగోపాల్‌వర్మ. అంతటితో ఆగని వర్మ వంగవీటి రాధా, రంగాలోని గొప్పతనంలో.. రాధాకు 0.1 శాతంకూడా లేకపోవడంతోనే రాధా పరిస్థితి ఇలా తయారైందని ఎద్దేవా చేశాడు. తాను తీసిన వంగవీటి సినిమా కరెక్ట్‌ కాదనుకుంటే.. అసలు వంగవీటి సినిమా అని తీసి లోకానికి చూపించుకోమనండి అంటూ మరో సవాల్ విసిరాడు వర్మ.