Wednesday, 23 August, 2017

ఇండ‌స్ట్రీలో 20 ఏళ్లు కంప్లీట్ చేసుకున్నవ‌ప‌ర్‌స్టార్‌

ప‌వ‌ర్ స్టార్  ప‌వ‌న్‌  క‌ల్యాన్ తెలుగు  సినీప‌రిశ్ర‌మ‌లో అడుగు పెట్టి  నిన్న‌టితో 20 ఏళ్లు పూర్త‌య్యాయి. 1996 అక్టోబ‌ర్ 11న అక్క‌డ అమ్మాయి ఇక్క‌డ అబ్బాయి చిత్రంతో ఇండ‌స్ట్రీలోకి ఎంట‌ర‌య్యారు ప‌వ‌న్ క‌ల్యాన్‌. క‌యామ‌త్ సే కయామ‌త్ త‌క్ అనే హిందీ సినిమాకు రీమేక్ గా వచ్చిన  ఈ  చిత్రం 47 థియేట‌ర్స్‌లో 100 రోజులు పూర్తి చేసుకుంది. ఈ సినిమాలో ప‌వ‌న్ క‌ల్యాన్  మార్ష‌ల్ ఆర్ట్ ట్యాలెంట్‌తో, స్టైల్‌తో ల‌క్ష‌లాది మంది అభిమానుల‌ను సంపాదించుకున్నారు. ఆ త‌రువాత తొలిప్రేమ‌, త‌మ్ముడు, బ‌ద్రి, ఖుషీ, జ‌ల్సా, గబ్బ‌ర్ సింగ్‌, అత్తారింటికి దారేది వంటి బ్లాక్ బ‌స్ట‌ర్ సినిమాలతో కోట్లాది  మందికి ఫేవ‌రిట్ అయ్యారు.  డైలాగ్ డిల‌వ‌రీ, డ్రెస్సింగ్‌, మ్యాన‌రిజంతో టాలీవుడ్ నెంబ‌ర్ వ‌న్ హీరోగా అయ్యారు.  ఆయ‌న  ట్యాలెంట్‌కు ఎన్నో అవార్డులు దాసోహం అయ్యాయి. సినిమాలు  చేస్తూనే జ‌న‌సేన పార్టీ  బాధ్య‌త‌లు నిర్వ‌హిస్తున్నారు. ప‌వ‌న్ కల్యాన్ ప్ర‌స్తుతం కాట‌మ‌రాయుడు సినిమాతో బిజీగా ఉన్నారు. ఈ మూవీ వ‌చ్చే ఏడాది స‌మ్మ‌ర్‌లో ప్రేక్ష‌కుల ముందుకు రానుంది.