Sunday, 23 April, 2017
Paramanandayya Shishyula katha Telugu

ప‌రమానంద‌య్య శిష్యుల క‌థ‌- రామ‌య్య ద‌య్యం

ఒక‌నాడు ప‌రమానంద‌య్యకి శిష్యుల‌పై కోపం వ‌చ్చి ‘ఎక్క‌డిక‌యినా వెళ్ళి చావండిరా’.. అని క‌సిరి వెళ్ళ‌గొట్టారు. శిష్యులు చేసేదిలేక ఊరి చివ‌ర‌కు పోయారు. చెరువులో నీరు తాగి దాహం తీర్చుకొని త‌మ క‌ర్త‌వ్యం గురించి ఆలోచింప‌సాగారు. ఇంత‌లో ఒక తుంట‌రి ‘ఏంటి పంతుళ్ళు. ఇక్క‌డున్నారు. రామ‌య్య ద‌య్యమై ఊరి పొలిమేర‌ల్లో తిరుగుతున్నాడు. ఇక్క‌డ రాకండి పారిపొండి’ అని భ‌య‌పెట్టాడు.

ఆ మాట విన్న వెంట‌నే ప‌ర‌మానంద‌య్య శిష్యులు నిశ్చేష్టుల‌య్యారు. భ‌యంతో అటు ఇటూ ప‌రుగెత్తి మ‌ర అక్క‌డికే వ‌చ్చి ‘ఒరేయ్ మ‌నం ఎందుకు ప‌రుగెత్తుతున్నామురా’ అని ఆలోచించుకొని కొంత సేప‌టికి మ‌ళ్లీ భ‌య‌ప‌డుతూ ‘గుర్తొచ్చిందిరా రామ‌య్య ద‌య్య‌మై మ‌న‌ల్ని ప‌ట్టి బాధించ‌డం త‌థ్యం’ అనుకొని త‌లోదారి పారిపోయారు.అలా వారు పారిపోయి.. చివ‌రికి ప‌ర‌మానంద‌పురానికి చేరుకున్నారు.

అక్కడ ఏదో ప‌ని చేసుకుంటూ దిక్కులేని ప‌క్షుల్లా జీవించ‌సాగారు. కొంత కాలం త‌రువాత ప‌ర‌మానంద‌య్య‌కి శిష్యుల‌పై ధ్యాస‌మ‌ళ్లింది. ‘వెర్రికుంక‌లు…ఎక్క‌డున్నారో… ఏం చేస్తున్నారో’… అని బెంగ‌తో వెత‌కడం మొద‌లు పెట్టాడు. కొంత కాలానికి శిష్యుల జాడ తెలిసింది. ర‌మ్మ‌ని క‌బురు పంపారు. కాని వారు ‘రామ‌య్య ద‌య్య‌మై తిరుగుతున్నాడు. మ‌మ్మ‌ల్ని చంపేస్తాడు. మేము రాము’ అని బ‌దులు పంపారు.దీంతో ప‌ర‌మానంద‌య్య ‘ఏం భ‌యం లేదు. దెయ్యం పాదాల‌కు గోరింటాకు రాశాను. అది ఇంక బ‌య‌టికి తిర‌గ‌దు’ అని ఒక వ్య‌క్తితో చెప్పి పంపించాడు, ఇది విన్న శిష్యులు శాంతించారు. గురువుగారు పంపిన వ్య‌క్తితో శిష్యులంద‌రు తిరిగి వ‌చ్చి ‘బుద్ధిగానే ఉంటామండీ..మ‌మ్మ‌ల్ని క‌సురుకోకండి. మేమంతా మీ శిష్యుల‌మేగా’ అంటూ గురువుగారి వ‌ద్ద‌నే ఉండిపోయారు.