Sunday, 24 September, 2017

మీరు ఇలా తిన్నారో…ఇంకా అంతే సంగ‌తులు

చాలా మంది బ‌రువు త‌గ్గ‌డానికి డైటింగ్ చేస్తూ ఉంటారు. అయితే కొంత‌కాలం ఆహారం నియ‌మాలు పాటిస్తూ కడుపు మాడ్చుతూ.. మళ్లీ మామూలుగా తింటూ ఉంటారు. ఇలా చేస్తే బరువు పెరగడానికి దారితీస్తుందని పరిశోధకులు చెబుతున్నారు. కడుపు మాడ్చిన సమయాన్ని మన మెదడు కరవుగా భావించి భవిష్యత్తు కొరతను ఎదుర్కొనేందకు మరింత కొవ్వు నిల్వ చేసుకొనేలా శరీరాన్ని కోరుతుందని బ్రిస్టల్ యూనివ‌ర్సిటీ సైంటిస్టులు  చెబుతున్నారు. తక్కువ క్యాలరీల ఆహారం తీసుకొనే వారు తరచూ డైటింగ్‌లో లేనప్పుడు… ఎక్కువ ఆహారం తీసుకోవడం, బరువును అదుపులో పెట్టలేకపోతున్నట్లు గుర్తించిన‌ట్లు చెప్పారు.. అదే డైటింగ్‌ చేయని వారిలో ఎక్కువ కొవ్వు నిల్వ చేయాల్సిన అవసరం ఉండటం లేదని పరిశోధకులు పేర్కొన్నారు. ఎప్పుడూ కడుపు మాడ్చని వారితో పోలిస్తే.. ఆహార పరిమితి పాటించే వారిలోనే సగటున బరువు పెరగడం అధికంగా ఉందని చెప్పారు. తక్కువ క్యాలరీల ఆహారం తీసుకోవడానికి బదులు.. మీరు తినేదానికన్నా కొద్దిగా తక్కువగా తింటూ.. శారీరక వ్యాయామం చేస్తే ఆరోగ్యకరమైన బరువును సాధించవచ్చని తమ అధ్యయనంలో గుర్తించినట్లు సైంటిస్టులు పేర్కొన్నారు.

You might also like

Leave a Reply