Sunday, 23 April, 2017
goutamiputra-03

ఘ‌నంగా గౌతమీపుత్ర శాతకర్ణి ఆడియో వేడుక‌

తిరుపతిలో ‘గౌతమిపుత్ర శాతకర్ణి’ చిత్రం పాటల వేడుక కన్నుల పండువగా జరిగింది.ఈ కార్య‌క్ర‌మానికి కేంద్ర మంత్రి వెంక‌య్య‌నాయుడుతో పాటు ఏపీ సీఎం చంద్ర‌బాబు, ప‌లువురు ముఖ్యఅతిధులుగా హాజ‌ర‌య్యారు. ఈ సంద‌ర్భంగా బాల‌య్య మాట్లాడుతూ…గౌతమీపుత్ర శాతకర్ణి సినిమా చేయడం తన పూర్వ జన్మ సుకృతమని అన్నాడు బాలయ్య.. మన తెలుగు రాజహంస శాతకర్ణి అని, ఈ సినిమా కోసం దర్శకుడు క్రిష్ చాలా కష్ట పడ్డాడని చెప్పారు. ఇక ఏపీ సీ ఎం చంద్రబాబు..ఈ మూవీ లెజెండ్ లా వెయ్యి రోజులకన్నా ఎక్కువగా ఆడుతుందన్న నమ్మకాన్ని వ్యక్తం చేశారు. ఈ చిత్రంలో నటించడం హేమమాలినికి దక్కిన గౌరవమని అన్నారు. కాగా..సినిమాలకు కూడా తాను మంత్రినని, అందుకే ఈ ఫంక్షన్ కు వచ్చానని కేంద్ర మంత్రి వెంకయ్యనాయుడు చెప్పారు. ఈ మూవీ మన చరిత్రను గురించి తెలియజేయడం విశేషమన్నారు. కొంత ఉద్విగ్నంగా మాట్లాడిన క్రిష్..బాలకృష్ణ ఈ మూవీ స్టోరీని 10 నిముషాల్లో ఓకె చేశారని తెలిపాడు. నా పేరు ముందు మా తల్లి పేరుతో అంజనా పుత్ర క్రిష్ అని పెట్టుకున్నా.. ఆ పేరును నిలబెడతా అన్నాడు.పెళ్లి అయిన తరువాత 10 రోజులు కూడా తన భార్యతో ఉండలేదని, అందుకు ప్రతిగా గొప్ప చిత్రాన్ని ఇస్తానని చెబుతున్నానని క్రిష్ పేర్కొన్నాడు. అటు.. హీరోయిన్ శ్రియ, మరో డైరెక్టర్ బోయపాటి, సినీ గేయ రచయిత సిరివెన్నెల సీతారామశాస్త్రి, మ్యూజిక్ డైరెక్టర్ చిరంతన్ భట్ కూడా మాట్లాడారు.

goutamiputra-02

ఇక‌పోతే ట్రైలర్ తోటే సినీజనాల మతులుపోగొట్టిన డైరెక్టర్ క్రిష్, తన సినిమా ఆడియో రిలీజ్ ఫంక్షన్ ను పురస్కరించుకుని బ్యాక్ టు బ్యాక్ సాంగ్ మేకింగ్ వీడియోలు వదిలాడు. ఒకదాన్ని మించింది మరోటి అన్నరీతిన అదిరిపోయే విజువల్స్, గ్రూప్ సాంగ్స్..వారెవ్వా అనిపిస్తుండగా, ఆయా సాంగ్స్ షూట్ చేస్తున్నప్పుటి దృశ్యాల్ని వీడియో రూపంలో రిలీజ్ చేసింది గౌతమిపుత్రశాతకర్ణి టీం.. దీంతో ఈ చిత్రంపై ప్రేక్ష‌కుల్లో మ‌రింత అస‌క్తి నెల‌కొంది.